Advertisement
Advertisement
مقابلة ميسي فواحد الراديو ارجنتيني :
- لعبو معايا بزاف د اللعابة واعرين و لكن سواريز كاتجمعني بيه علاقة صداقة قوية فالتيران و برا التيران
-ايلا جات عليا ما كنتش انختار البيت ديالي كونطر خيتافي كأحسن بيت، كانفضل هداك لي ماركيتو كونطر الريال فالتشمابيونز ليغ ولا البيت كونطر المانيو فالفينال بالراس
- كايبقا فيا الحال ملي كانعاود نشوف الفينال ديال كأس العالم و كمية المحاولات لي ضيعنا، كون ضربنا غي بيت واحد كون كان كلشي مختلف دابا
- باقي خص الخدمة بزاف باش يرجع المنتخب ديالنا، اللعابة لي كاينين دابا مزال يالاه باديين المشوار الدولي ديالهم داكشي علاش خص نصبرو و مقتنع انه غادي نوصلو لشي حاجة زوينة
-علاقتي مع كاع اللعابة د الارجنتين زوينة، خصهم ما يخافوش و يلعبو بنفس الطريقة لي كايلعبو بيها مع النوادي ديالهم
- كانحتارم اليوفي بزاف، فريق قوي و ولاو أقوى ملي جا ليهم رونالدو، المهم دابا عندي هو حنا نوصلو للفينال و الباقي ماشي سوقي فيه.. لي جا بسملاه
- نلبس العشرة فالمنتخب ما دايراش عليا الضغط حيت راه كانلبسها مع البارسا
- اكثر حاجة كاتقلقني هي الكذوب و الاشاعات
-كانلعب لراسي و للعائلة ديالي و لكاع الناس لي كايبغيو داكشي لي كاندير.. لي ما حاملينيش كا عليهم غي بالصبر
-عارف انه كاين بزاف كايبغيوني و كايشجعوني و هادشي كانشوفو ملي كانمشي نلعب مع المنتخب
-بنادم يقول لي بغا، انا كانبغي نجاوب فالتيران و هذا هو احسن رد على ديك الخرافات لي كايعاودو شي ناس
-توحشت كريستيانو فإسبانيا، كان منافسة زوينة و لكن نشوفو هاز شي لقب ما بلانش
-ايكاردي لعب معانا جوج مرات داكشي علاش تعجبت ملي قال بلي المجموعة خايبة، ما عرفتش شنو كان باغي يقصد و لكن عمر شي واحد فالمنتخب تعامل بطريقة سيئة
-انا كانشجع الريفر ؟ لا لا، انا عشقي الوحيد هو النويلز اوف بويز
- بغيت ندي شي لقب مع المنتخب و غادي ندير ما فجهدي باش نوصل لهاد القضية
-ولدي ثياغو ديما كايسولني مال بنادم ما كايحملكش فالارجنتين و كايعايرو فيك
Advertisement
